नवलपरासी । नवलपरासी एमालेको महाधिवेशन प्रतिनिधि छनौटको मत परिणाम आज(शनिबार) राति ११ बजेसम्म आइपुग्ने पार्टी जिल्ला निर्वाचन समितिले जनाएको छ । दुई निर्वाचन क्षेत्र रहेको जिल्लाका तीन स्थानमा बिहान ८ बजेदेखि सुरू भएकाे मतदान दिउँसो ४ बजे सकिएकाे थियाे । सबै स्थानको नजिता राति ११ बजेसम्म आइपुग्ने पार्टी जिल्ला निर्वाचन अधिकृत रामकृष्ण पौडेलले जानकारी दिनुभयो ।
१ हजार ७६२ मतदाता रहेकाे निर्वाचन क्षेत्र नम्बर १
को बर्दघाट नगरपालिका–१ स्थित वाल्मिकि मावि पूनर्वासमा मतदान भएकाे थियाे । क्षेत्र नम्बर १ मा खुलातर्फ २ जना चयन हुनुपर्नेमा ५ र महिलातर्फ २ जना चयन हुनुपर्नेमा ४ जनाको उम्मेदवारी परेको छ । १ जना ४० वर्षमुनिका युवा चयन हुनुपर्नेमा २ जनाको उम्मेदवारी परेको छ ।
त्यसैगरी १ हजार ६ सय ७६ संगठित सदस्य रहेकाे क्षेत्र नम्बर २ को सहिद विष्णु पाण्डे प्रतिष्ठान वनकट्टी सुनवलमा मतदान भएकाे थियाे । क्षेत्र नम्बर २ मा खुलातर्फ ७ जना, महिलामा ६ र युवामा ४ जनाको उम्मेदवारी परेको छ ।
त्यस्तै दलिततर्फको प्रतिनिधि छनौटको मतदान उद्योग वाणिज्य संघ बर्दघाटमा भएकाे थियाे । जिल्लामा ४०५ जना दलित संगठित सदस्यहरु छन् । दलित प्रतिनिधिमा दुई जनाको उम्मेदवारी परेको छ । जिल्लामा कुल ३ हजार ८४३ जना संगठित सदस्यहरु रहेको एमालेले जनाएको छ ।
११ जना महाधिवेशन प्रतिनिधिका लागि ३० जना उमेदवार बिच
चुनावी प्रतिस्पर्धा भएकाे थियाे ।