नवलपरासी । नेकपा एमालेकाे एघाराैं केन्द्रीय महाधिवेशनका लागि नवलपरासीबाट ११ जना प्रतिनिधि छनाैट भएका छन् ।
सर्वसम्मत हुन नसकेपछि शनिबार भएकाे निर्वाचनबाट उनीहरू प्रतिनिधि छनोट भएका हुन् ।
नवलपरासीको क्षेत्र नम्बर १ र २ बाट ५/५ जना र एक जना दलित गरी ११ जना प्रतिनिधि छानिएका थिए ।
जिल्लामा एमालेका संगठित सदस्य ३ हजार ८४४ रहेका छन्। क्षेत्र नम्बर १ मा ९ सय ७२ र क्षेत्र नम्बर २ मा १ हजार ३२ मत सहित दुवै क्षेत्रमा जम्मा २ हजार ४ मत खसेको निर्वाचन आयोगका संयोजक युवराज डुम्रेले जानकारी दिनुभएकाे छ।
सम्पन्न प्रतिनिधि छनोटको निर्वाचनमा क्षेत्र नम्बर १ बाट खुल्ला पुरुषतर्फ दिपेन्द्रकुमार अधिकारी र हरिदेव पाण्डे निर्वाचित हुनुभएको छ । महिलातर्फ इन्द्रदेवी थरुनी र राधा ढकाल र युवातर्फ सुधा ज्ञवाली निर्वाचित हुनुभएकाे थियाे ।
त्यसैगरी क्षेत्र नम्बर २ मा खुल्ला पुरुषतर्फ डोलराज भण्डारी र धानप्रसाद गैरे निर्वाचित हुनुभएकाे छ ।
महिलातर्फ लक्ष्मी क्षेत्री र शान्ता भण्डारी र यूवातर्फ भने विनोद पुन निर्वाचित हुनुभएकाे छ।
जिल्लाबाट एकजना मात्रै दलित प्रतिनिधिमा तुलसी पासी निर्वाचित हुनुभएको छ