नवलपरासी पश्चिम, भदाै १३ गते । नवलपरासी पश्चिम स्थित बर्दघाट नगरपालिका वडा नम्बर ४ टिसियन चाेकबाट एक ट्रक गाेरू नियन्त्रणमा लिइएको छ ।
इलाका प्रहरी कार्यालय बर्दघाट नवलपरासीबाट खटिएको प्रहरी टोलीले बिहीबार दिउँसो साढे १ बजे पश्चिमबाट पूर्वतर्फ जादै गरेको ना ६ ख ९१७७ नं. को ट्रकलाई रोकि चेकजाँच गर्दा निर्दयी ढंगले लैजादै गरेको अवस्थामा गोरुहरु नियन्त्रणमा लिएकाे हाे ।
ट्रक भित्र १९ वटा गोरुहरु मध्ये १ वटा गाेरू मृत अवस्थामा रहेकाे जिल्ला प्रहरी कार्यालय नवलपरासीले जनाएकाे छ ।
गाेरूहरूलाई दिउँसो ३: ५० बजे उद्वार गरी सुनवल नगरपालिका वडा नं.३ किर्तिपुर स्थित कामधेनु गौशालामा बुझाइएको प्रहरी नायव उपरीक्षक ऐवं सूचना अधिकारी
वीर दत्त पन्तले बताउनुभयाे ।
मृत गोरुलाई बर्दघाट नगरपालिकामा कार्यरत पशु चिकित्सकको रोहवरमा आवश्यक कानूनी प्रकृया पुरा गरी व्यवस्थापन गरिएको छ । संलग्न ट्रक चालकलाई मूलकि अपराध संहिता, २०७४ अन्तर्गत पशुपंक्षी सम्बन्धी कसुरमा म्याद थप गरी अनुसन्धान कार्य भइरहेको छ ।