प्रकाशित मिति: ७ माघ २०७९, शनिबार १४:०२
कल्पना खरेल,सुनवल । पश्चिम नवलपरासीकाे पाल्हीनन्दन गा.पा.-१ झरहीखोला नजिकै आज भएकाे बस दुर्घटनामा एक जनाकाे अवस्था गम्भीर रहेकाे छ भने अन्य ४५ जना यात्रु घाइते भएका छन् ।
त्रिवेणीधाम मेलामा तीर्थ गरी भारततर्फ फर्किदै गरेकाे UP16FT 7466 नं. को भारतिय बस अन्दाजी ११:३० बजे को स्टेरिङ फेल भई आफै अनियन्त्रित भई बाटो देखी अन्दाजी १० मिटर तल घोलामा पल्टिदा साे दुर्घटना भएकाे हाे ।
अन्दाजी ६०/६५ जना सवार मध्ये ४५ जना भारतीय तिर्थालुहरु घाइते भई उपचारको लागि जिल्ला अस्पताल परासी पठाईएको प्रहरी नायव उपरीक्षक एवम् सूचना अधिकारी भाेजराज पाण्डेले बताउनुभएकाे छ ।
ईलाका प्रहरी कार्यालय महेशपुरबाट प्रहरी निरीक्षक मेघनाथ चांपागाईको कमाण्डमा ट्राफिक सहित १५ जना र जिल्ला प्रहरी कार्यालय नवलपरासीबाट ११ जनाकाे टाेलीले घटनास्थल पुगी घाईतेकाे उद्वार गरेकाे थियाे ।
दुर्घटनामा परि बस चालक समेत घाईते भएकाे र घाइतेहरूमध्ये एक जनाको टाउकोमा चोट लागि अवस्था गम्भीर रहेको प्रहरीले जनाएकाे छ ।
साथै अन्य बस यात्रुहरुलाई गन्तब्य तर्फ पठाउने पहल भईरहेको, डिएसपी पाण्डेयले बताउनुभयाे ।
Ads
