कल्पना खरेल, नवलपरासी । जनता आधारभूत विद्यालय सुनवल १२ हरकट्टाकाे खेल मैदानमा खुल्ला क्रिकेट प्रतियोगिता हुने भएकाे छ ।
श्री हरकट्टा युवा समूह तथा राष्ट्रिय लाेक तथा दाेहाेरी गीत प्रतिष्ठान नेपाल जिल्ला कार्य समितिकाे संयुक्त आयाेजनामा यहीँ चैत्र १० गतेदेखि खुल्ला क्रिकेट प्रतियोगिता हुने भएकाे हाे ।
पत्रकार सम्मेलनकाे आयाेजना गरि क्रिकेटप्रतिकाे बढ्दाे आकर्षणलाई ध्यानमा राखी खुल्ला क्रिकेट प्रतियोगिता आयाेजना गर्न लागिएको खेलकुद समितिका अध्यक्ष मीनप्रसाद बस्यालले बताउनुभयाे ।
१० दिनसम्म आउटको नियमानुसार संचालन हुने यस प्रतियोगितामा जिल्ला भित्र तथा बाहिरबाट गरि करिब २० टीमको २५० खेलाडी  सहभागिता रहने अपेक्षा लिइएको छ ।
प्रतियोगितामा विजेता टीमलाई नगद रु २० हजार, ट्रफि र मेडल तथा उपविजेता टीमलाई नगद रु १०हजार, मेडल र ट्रफिको साथै प्रत्येक खेलमा म्यान अफ द म्याच, बेष्ट व्याट्स म्यान, बेष्ट बलर, म्यान अफ द टुर्नामेन्ट लगायतका विधामा पनि पुरस्कारको व्यवस्था गरिएको अध्यक्ष बस्यालले जानकारी दिनुभयो ।
करिब ५ लाख खर्च लाग्ने अनुमान गरिएको यस प्रतियोगिताको लागि सुनवल नगरपालिकाले रु ३ लाख विनियोजन गरेकाे छ ।
खेलाडी र कलाकार दुवै राष्ट्रकाे गहना भएपनि त्याे सम्मान दिन नसकेकाेमा दुख व्यक्त गर्दै खेलाडीलाई थप हाैसला प्रदान गरी  कलाकारलाई प्रोत्साहन र सम्मान गर्ने उद्देश्यले संयुक्त क्रिकेट खेलकाे आयाेजना गरिएकाे राष्ट्रिय लोक तथा दोहोरी गीत प्रतिष्ठानकी जिल्ला अध्यक्ष श्यामकला भण्डारीले जानकारी दिनुभयो ।
जिल्लामा नयाँ अवधारणा सहित प्रतियोगिताकाे उद्घाटनमा राष्ट्रिय स्तरमा ख्याति प्राप्त कलाकारहरुको उपस्थितिमा बृहत सांस्कृतिक कार्यक्रमकाे आयाेजना गरिने समेत अध्यक्ष भण्डारीले   बताउनुभयाे ।