कल्पना खरेल,नवलपरासी ।  पश्चिम  नवलपरासी प्रतापपुर गाउँपालिका वडा नं. ९ चण्डालटोलमा एक कारलाई चेकजाँच गर्ने क्रममा करिब २९ लाख बराबरकाे विभिन्न प्रकारकाे सर्जिकल सामाग्री तथा ओैषधी बरामद भएकाे छ ।
आज बिहान अन्दाजी ४ बजे  ईलाका प्रहरी कार्यालय बेलाटारीबाट प्रहरी निरीक्षक श्याम प्रकाश यादवको कमाण्डमा खटिएको प्रहरी टोलीले प्रदेश नं.३ ०१-००२ च ८९९६ नम्बरको कारलाई चेकजाँच गर्ने क्रममा भारतबाट अबैध रुपमा भन्सार छलि ल्याएको उक्त मूल्य बराबरको सर्जिकल सामाग्री तथा बिभिन्न प्रकारका औषधीहरु बरामद गरेकाे हाे  ।
बरामद भएकाे सर्जिकल सामाग्री तथा बिभिन्न प्रकारका औषधीहरु ६ पेटीको अन्दाजी मूल्य रू.२९ लाख ४९ हजार १७ रूपैया र कार अन्दाजी मूल्य रू.१० लाख गरी जम्मा मूल्य रू. ३९ लाख ४९ हजार १७ रुपैंया बराबरको सामान बरामद गरिएकाे प्रहरी नायव उपरीक्षक एवम् सुचना अधिकारी रेशम बोहराले जानकारी दिनुभएकाे छ ।
साथै साेहि कारबाट गोरखाकाे गण्डकी गाउँपालिका वडा नं. ४ भेंडाबारी बस्ने वर्ष ३० को सुजन भन्ने विवेक पोख्रेल र  बाग्लुङ बडिगाड गाउँपालिका वडा नं. ५ टारी बस्ने वर्ष २९ को अभिषेक खरेललाई समेत नियन्त्रणमा लिइएको छ ।
नियन्त्रणमा लिइएको औषधी, मानिस तथा कारलाई आवश्यक कारवाहीको लागि भन्सार कार्यालय बुझाउने तयारी भईरहेको जिल्ला प्रहरी कार्यालय नवलपरासीले जनाएकाे छ ।