प्रदिप न्याैपाने,सुनवल। प्रथम वडा अध्यक्ष कप फुटवल प्रतियोगिता अन्तर्गत सुनवल ४ मक्षरमारा खेलमैदानमा आज भएको फाईनल तथा अन्तिम खेलमा वडा नम्बर ६ विजयी भएको छ ।
वडा नम्बर ६ र वडा नम्बर ८ विच भएको खेल २-२ को बराबरी भएपछि पेनाल्टि सुटआउटको आधारमा वडा नम्बर ६ विजयी भएकोे खेलका आर्थिक संयोजक टेक वहादुर पुनले जानकारी दिनुभएको छ ।
वडा नम्बर ४ का वडा अध्यक्ष वालकृष्ण पंगेनीको अध्यक्षता र नगरप्रमुख विमला अर्यालको प्रमुख आतित्थ्यतामा सम्पन्न भएको फाईनल खेलको विजेता टिमलाई ५१ हजार सग ट्रफि र उपविजेता टिमलाई ३१ हजार सगँ ट्रफि प्रदान गरीएको थियो ।

आज फाइनल खेल र सनिवार सार्वजनिक विदा दुवै भएकाेले खेल हेर्न नगरभित्रका सैयाै दर्शककाे भिड रहेकाे थियाे ।
प्रतियोगितामा सुनवल नगरपालीका भित्रका १३ वटा वडाका १३ वटा टिम र आयोजक टिमबाट २ टिम गरी १४ वटा टिमको सहभागिता रहेको थियो ।