प्रकाशित मिति: १७ कार्तिक २०७९, बिहीबार २१:१५ सुनवल। मंसिर ४ गते हुने प्रदेशसभा पदका लागि नवलपरासी पश्चिम क्षेत्र नम्बर २(क) धारा चिन्हका स्वतन्त्र उम्मेदवार खड्ग बस्नेतले मतदाता भेटघाटलाई तीव्रता दिएका छन् ।
मतदान गर्ने मिति नजिकिँदै गर्दा सर्वसाधारण माझ गएर गुनासो सुन्ने, सुझाव संकलन गर्ने, आफ्ना कार्ययोजनाहरू सुनाउने बस्नेतको दैनिकी जस्तै बनेको छ ।
चुनाव आउँदा मात्रै जनताको घरदैलोमा जाने र झुठो आश्वासन दिने प्रवृत्ति रहेकोले अब त्यस्ता खालका आश्वासनमा नफस्न र सही नेतृत्व छान्न मतदातालाई अनुरोध गरेका छन । 
” हामी २० रुपैयाँको एक किलो आलु किन्न कति छान्छौ तर ५ बर्ष देश जिम्मा लगाउने नेतृत्व छान्न किन सक्दैनौ तपाईं ले भोट चेन्ज गर्नु भयो भने देश बिकास हुनेछ” उनलेे भने ।
सामाजिक काम भनेसी दिनरात लागि पर्ने युवा नेता बस्नेत सर्वसाधारण माझ सजिलै घुलमिल हुने सरल स्वभाव र आम सर्वसाधारणको गुनासो सुन्न नहिचकिचाउने,भएकाले उनी लोकप्रिय बन्दै गएका छन ।
Ads
